“المجتمع الأهلي” في صيدا: قررنا المشاركة بالانتخابات البلدية ترشيحا واقتراعا
عقدت المؤسسات والجمعيات الاهلية في صيدا اجتماعا شارك فيه “تجمع المؤسسات الأهلية” و”تجمع علِّ صوتك” و”مهندسون من صيدا والجوار” خصص لمناقشة الاستحقاق البلدي في المدينة وتخلله مداخلات متعلقة بهذا الملف من كافة جوانبه.
وصدر عن المجتمعين بيان اعلنوا فيه القرار بالمشاركة بالانتخابات البلدية جاء فيه:
اهلنا بصيدا نحنا مجموعة من أبناء المدينة، ناشطات وناشطين من قلب المجتمع الأهلي، قررنا المشاركة بالانتخابات البلدية ترشيحا واقتراعا. مش طامعين لا بسلطة ولا بزعامة، ومشروعنا واضح: بلدية فعالة بتحس بمعاناة الناس وبتشتغل معن وكرمالن. بدنا صيدا نظيفة ومنظمة وعادلة بتقدم فرص حقيقية لكل أهلها. بدنا بلدية بتحاسب وبتتحاسب، بتسمع وبتشتغل وبتراقب وبتقيّم وبتصحح. منعرف التحدي كبير، بس منعرف كمان إنو أهل صيدا قادرين يغيّروا. وهيدا الوقت المناسب لنتكاتف ونصحح المسار. ولأن صيدا بتستاهل. مندعي كل الكفاءات المخلصة للمدينة والمتعالية فوق المحاصصات والمصالح الشخصية أو الفئوية لتترشح وتشاركنا برحلة السعي والعمل لتحقيق رؤيتنا وتطلعاتنا. صيدا حلوة ورح نشتغل ليل نهار لتصير أحلى.
